Жақында Оңтүстік Шығыстағы Достық үйінде Халықаралық Домбыра күні аталып өтті. Бұл мереке шеңберінде Достық үйіндегі мұражайға «ЖАЗ» сауықтыру лагерінің оқушылары да барды. Олар қазақтың қасиетті қара домбырасы туралы көптеген мағлұматтар алды. Домбыраның шығу тарихымен қатар, заманауи домбыраларды да көріп, танысты. Домбыра шеберлері мен олардың авторлық жұмыстарын тамашалады. Домбыра тарта алатын балалар өздері білетін шығармаларын орындады. Сонымен қатар олар басқа да ұлттардың ұлттық киімдерін, музыкалық аспаптары мен күнделікті тұрмыста қолданған ыдыстары қойылған көрмені тамашалады. Бұл саяхат жас жеткіншектерге өткен күндерден сыр шерткен, ғибраты мол керемет рухани жаңғыру болды.