Жаз мезгілінің бірінші айы «ЖАЗ» сауықтыру лагерінің балалары үшін керемет өтуде. Бүгін оқушылар Қарағанды қаласының «Балалар мен жеткіншектер сарайына» барды. Мұнда балалар қызықты интеллектуалды ойын алаңына тап болды. Олар түрлі ойындар ойнап, логикалық тапсырмалар орындады. Суреттерді ғажайып қылқаламмен бояй отырып, бейнелеу өнерінің сиқырлы әлеміне шомылды. Екінші кезеңде оқушылар түрлі тәжірибелер жасап, табиғаттың талай құпия сырларын ашты. Сонымен қатар олар музыкалық аспаптарға сүйеніп, өздері білетін әндерді шырқады, жаңа ән үйренді. Балалар бұл күні лагерге өздерінің рухани байлықтарын еселеп оралды.