Авиаүлгілерді құрастыру үйірмесінің жұмысы балалардың кеңістіктегі ойлау қабілеттерін жетілдіруге бағытталған. Авиаүлгілерді құрастыру өте ептілікті қажет етеді. Бұл үйірме жұмысының ең бір қызық кезеңі – тәжірибелік кезең, себебі балалар өздері құрастырған әуе үлгілерін ұшырып сынақтан өткізеді. Сынақтан соң олар өз үлгілерін құрастыруда кеткен кемшіліктерін байқап, әрі қарай жетілдіруге мүмкіндік алады. Бүгінгі күні оқушылар өздері құрастырған үлгілерді ұшырды. Кейбір оқушылардың жұмыстары өте сәтті шыққандықтан, тіпті мұғалімнің көмегін де қажет етпеді. Балалар өз беттерінше ұшырған ұшақ үлгілеріне мақтанышпен қарады. Айта кету керек, авиаүлгілерді дайындау - жеткіншек балалар үшін өте қызықты да тартымды сабақ.