«ЖАЗ» сауықтыру лагерінің балалары ЭкоМұражайға барып, керемет әсер алды. Балалар Қарағанды экологиялық мұражайынан Қазақстан табиғи ресурстарының әр түрлілігі, Семей ядролық полигонының тарихы мен қазіргі қауіпсіздігі жөнінде, Байқоңыр ғарыш алаңы мен ракеталардың апатқа ұшырағаны мен қирағаны туралы көп мәліметтер алды.

Экомұражай экологиялық мәселелерді шешуге қоғамдық рөлді көбейту үшін экологиялық ақпараттарды жинап, таратады. Біздің оқушыларымыз электр қуатын өндірудің баламалы тәсілдері туралы ақпараттармен танысты. Көліктердің жанар-жағармаймен жүргенінен табиғатқа келетін қыруар зиянды осылайша элект қуатымен алмастыруға болатынын түсінді.

Бұл іс-шараның тәжірибе бөлімінде оқушылар электр қуатын өздері өндірді. Қызықты викториналар мен жұмбақтар шешіп, уақытты пайдалы әрі көңілді өткізді.