Қарағанды облысы қоғамдық денсаулық сақтау Департаментінің, Қарағанды облысы Білім Басқармасының бірлескен бұйрықтарына сәйкес менингококк инфекциясын жұқтырудың қауіптілігі күрт көбейген эпидемиялық маусымда КММ «№101 мектеп-лицейі» «Жаз» сауықтыру лагерінде «Дос» жастар орталығының психологы Карыбаева С.Х. менингококк инфекциясының таралуы, белгілері, алдын алу бойынша әңгіме жүргізді.

Балалар бұл аурудың вирусы ауа тамшылары арқылы жұғатын ми мен жұлын қабықшасының қабынуымен өтетін ауру екенін білді. Инфекция негізінен жоғары тыныс жолдары арқылы жұғады. Сонымен қатар балалар аурудың дене қызуы, бас ауырып, әлсіреу, құсу, жөтел, тамақтың қабынуы, денеде қызыл бөртпелердің пайда болуы, жарыққа қарай алмау мен бұлшық еттердің ауыруы сияқты клиникалық белгілері болатынын білді. Аталған белгілерді байқаған жағдайда дереу дәрігерге хабарлау қажет екені ескертілді.