«Жаз» сауықтыру лагері оқушылардың қызықты демалысын бүгін бассейнге саяхатпен жалғастырды. Шынығудың ең тиімді құралы – ауа, күннің көзі және су екені мәлім. Қай спорт түрін алсаңыз да, әрқайсысының адам денсаулығына тигізер пайдасы зор. Соның ішінде суда жүзу спортының орны ерекше. Су – тіршіліктің көзі, салауатты өмірдің кепілі. Ал, шомылу немесе жүзу – шынығудың ең тиімді түрі. Суда жүзу - балалар үшін ең қызықты спорттың түрі десек қателеспейтін болармыз, сірә.

Тәрбиешілер балаларды суда жүзу қауіпсіздігі туралы жадынамамен таныстырды. Бассейнге келген оқушылар бой сергітіп, суда шомылып, көтеріңкі көңіл-күймен лагерге оралды.