Бүгін «Жаз» сауықтыру лагерінің балалары Станиславский атындағы орыс драма театрында «Бармалей» атты қойылымды тамашалап қайтты.

Қойылым өте қызықты болды. Театр актерлерінің шеберліктерімен қатар, әсем сазды әуеннің желісімен билей жөнелулері көрермендердің көңілінен шықты. Жаңа ағымдағы шетелдік тректер көрермендерге қатты ұнағаны сонша, залдың ішін ду қол шапалақтары кернеп кетті.

Әсіресе Бармалейдің қолтырауынның асқазанында отырып, кешірім сұраған сәті, қараңғылық құшағында отырған көрермендердің құлаққа ұрған танадай тыныштықта отырып тыңдағаны, қойылымның нағыз шарықтау шегі болғанының дәлелі болды. Оқушылар театрдан керемет көңіл-күймен оралды.