ХХ мерейтойлық мекепшілік оқушылардың ғылыми-практикалық конференциясы «Білімді адамнан-ойшыл адамға!» ұранымен өтті. Оған 1-11 сынып оқушыларынан 136 бала қатысты.

Конференция қатысушыларын мектеп-лицей директор Қазтаев Рахат Қайратұлы қарсы алды. Пленарлық бөлігінде оқу жылы барысында түрлі конкурстардың жеңімпаздары атанған оқушыларға  грамоталар, дипломдар мен медальдар ұсынылды.

Конференцияда 8 пәндік секциялар жұмыс істеді, соның ішінде мектеп музейінің аты берілген бірінші рет «Тәттімбет Қазанғапұлының өмірі мен шығармашылығы» тақырыбы бойынша баяндамалар тыңдалды. 80 оқушы конференция жеңімпаздары мен жүлдегерлері аталды. Үздік жобалар 2018-2019 оқу жылында түрлі конкурстарға ұсынылатын болады.