2018 жылдың 09 ақпаны күні «Ғабиден Мұстафин атындағы №83 жалпы білім беретін орта мектебі» КММ-де жыл сайын ұйымдастырылатын Х республикалық «Жарқын болашақ» қазақ тілі олимпиадасының аудандық (іріктеу) кезеңі өтті. Олимпиаданы өткізудегі басты мақсат: мемлекеттік тілдің қолданылу аясын кеңейту және оны дамыту, әрі қазақ тілі мен әдебиеті пәндері бойынша ерекше дарынды оқушыларды анықтау және оларға қолдау көрсету болып табылады. Негізгі міндеттерінің бірі – оқушылардың қазақ халқының тілі, әдебиеті, салт-дәстүрі, тарихы, мәдениеті секілді ұлттық құндылықтарға деген қызығушылығын арттыру, тұлғаның өзін-өзі дамытуына және қабілетін ұштауға ықпал ету.

Олимпиадаға қала мектептерінен жалпы саны 50 оқушы қатысты:

«Жазушылар» бағыты бойынша оқушылар белгілі-бір тақырыпта эссе жазып, өздерінің сөз түйіп, ой қорытындылау шеберліктерін жазбаша түрде шыңдады.

«Тілші-әдебиетшілеріміз» тіл білімі мен қазақ әдебиетіне қатысты сұрақтарға жазбаша түрде жауап беріп, пән бойынша жинақтаған білімдерін жан-жақты өзіндік тексерістен өткізу мүмкіндігіне ие болды.

Олимпиада қорытындысында мектебімізден 2 оқушымыз жүлделі орындарға ие болды. Олар: Исаев Навруз, 8Б сынып оқушысы, «Әнші бұлбұлдар» бағыты бойынша (дайындаған қазақ тілі мен әдебиеті мұғалімі Кокина Акзер Зарыкбековна және Скоробогатова Ксения, 10Б сынып оқушысы, «Жазушылар» бағыты бойынша (дайындаған қазақ тілі мен әдебиеті мұғалімі Ищанова Калима Бексеитовна).