Дүниежүзі қазақтарының V  құрылтайында Елбасы өз сөзінде латын әліпбиіне көшу туралы айтқан болатын. Президенттің айтуынша, латын әліпбиіне көшу - ана тіліміздің жаһандық ғылым мен білімге кірігуін, руханитұтастығынқамтамасыз ететін бірегей қадам.

«ТМД елдері кириллица, қытайдағы қандастарымыз - төте жазу, батыс елдеріндегі бауырларымыз латын әрпін қолданады. Сонда, сөйлескенде тіліміз бір болғанымен, оқығанда тіліміз үш түрлі. Бір-бірімізді түсіне алмаймыз. Жазуын ұқпаймыз. Бұл бір жағынан, жер жүзіне тарыдай шашылған қазақтың кейінгі ұрпағын бір-бірінен алыстатады. Екінші жағынан, ғылым мен техникаға, интернетке латын әрпі керек», - деді Нұрсұлтан Назарбаев.

Елбасының осы бастамасына үн қосу мақсатында 2017 жылдың 19 қазанында Ғабиден Мұстафин атындағы №83 жалпы білім беретін орта мектепте «Латын әліпбиіне көшу – заман талабы» тақырыбында жалпымектептік ата-аналар жиналысы өтті. Жиналыс барысында мектеп әкімшілігі мен мектеп ұстаздары ата-аналар қауымын латын әліпбиіне көшу мәселесіне қатысты ақпараттармен таныстырды.

Сөз барысында қазақ жазу таңбалары жүйесінің тарихы мен әліпби үлгісі, оның ішінде қосарланған дыбыстар жайы сөз етілді.