Сәуір айының 26-сы күні қаламыздағы №74 ЖББОМ-де ХҮІІІ республикалық Абай оқулары байқауының қалалық кезеңі өтті. Байқауға мектебімізден 2 оқушы (Гертер Полина және Шабазова Аминат) қатысты. 9А сынып оқушысы Гертер Полина (дайындаған мұғалім  Ищанова Калима Бексеитовна) «Әнші бұлбұлдар» бағыты бойынша Абайдың «Айттым сәлем, Қаламқас» әнін нақышына келтіре орындап, өз өнерімен ерекшеленгені үшін қалалық білім бөлімінің Алғыс хатына ие болса, 5В сынып оқушысы Шабазова Аминат (дайындаған мұғалім  Кокина Акзер Зарыкбековна)  «Жүйріктен жүйрік озар жарысқанда» бағыты бойынша ерекше қабілетімен тыңдармандардың ыстық ықыласына бөленіп, жүлделі ІІ орынды қанжығасына байлады. «Жүлделі орын иегерін дайындағаны үшін» қазақ тілі мен әдебиеті мұғалімі Кокина Акзер Зарыкбековнаға қалалық білім бөлімінің грамотасы табысталды.

Шәкіттерімізді осындай үлкен жетістіктерімен құттықтай отырып, болашақта әлі де талай биіктіктерді бағындыра берулеріне тілектеспіз!