Наурыз - жыл басы. Парсы тілінде "нау" - "жаңа", "руз" - "күн" деген ұғымдарды білдіреді. Халық наурыз мерекесіне алдын - ала дайындалады.  Біздің  № 83 мектепте Наурыз мерекесін қарсы алу дәстүрге айналған. Мерекеге арналған қабырға газеттерінде "наурыз" тарихы жазылып, өлең-жырлардан үзінді беріледі. Мерекеде оқушылар  наурыз туралы тақпақ, ән айтып, би биледі. 4 «Ә» және 4 «В» сынып оқушылары  орыс және қазақ тілдерінде Наурыз туралы өлең оқып,  ән айтып би билеп, өнер көрсетті.. Бұл мерекеде өнер көрсетуден 3 «Ә» сынып оқушылары да қалыс қалған жоқ.

3 «Ә» сыныбының биші қыздары көпшіліктің алдында «Биле, биле» биін биледі.  Мерекеде  Ақ әже  балаларға  бата  беріп, шашу шашты. Сонымен қатар «Берекелі дастарқан» атты сайысқа барлық бастауыш сыныптары  белсене қатысты.  Мектепте"Ұлыстың Ұлы күніне" арналған мереке ерекше қуанышты өтті. Жүректер жылыуын таратқан көктемнің бақыт сыйы Наурыз көп ұлтты еліміздің бірлесе тойлайтын - Достық мерекесі.