2022 жылдың шілде айында Ұлттық құрылтайдың отырысында Президент еліміздегі ұлттық мерекелер мен айтулы күндердің тізіміне бірқатар өзгерістер енгізу қажет екенін айтты.

«Республика күніне ұлттық мереке мәртебесін қайтаруды ұсынамын. Естеріңізге сала кетейін, 1990 жылдың 25 қазанында Қазақстанның мемлекеттік егемендігі туралы Декларация қабылданды. Бұл — еліміздің тәуелсіздікке бағыт алған алғашқы қадамы болды», — деді Қасым-Жомарт Тоқаев.

Президенттің пікірінше, Республика күні елдің мемлекеттік дербестікке қарай батыл қадамын айқындайтын символға айналуы тиіс.

 

2025 жылдың 14 қазанында Г. Мустафин атындағы жалпы білім беретін мектептің кітапханасында

«Менің Отаным – Қазақстан / Моя Родина – Казахстан» атты кітап көрмесі ұйымдастырылды.

Көрмеден оқушылар Қазақстанның мыңжылдықтарға созылған бай тарихы туралы баяндайтын кітаптарды таба алады. Сонымен қатар, балалар еліміздің алуан түрлі табиғатымен де таныса алады.