2025 жылдың 10 қазанында “Ғабиден Мұстафин атындағы жалпы білім беретін мектебі” КММ “Инклюзивті сынып: ұйымдастыру, қолдау, нәтиже” тақырыбында облыстық семинар өтті. Ұйымдастырушы тарап: «Өрлеу» БАҰО» АҚ Қарағанды облысы бойынша кәсіби даму институтының  аға оқытушысы Разбекова Зауре Каировна. Семинардың негізгі мақсаты – инклюзивті білім беруді тиімді ұйымдастырудың тәжірибесін тарату, ерекше білім беруді қажет ететін оқушыларды қолдау жүйесін жетілдіру және педагогтердің кәсіби құзыреттілігін арттыру болды. Іс-шара барысында курс тыңдаушыларына тәжірибе алмасуға мүмкіндік беретін шеберлік сабақтар, ашық сабақ және түрлі бағыттағы тренингтер ұйымдастырылды. Педагогтер оқыту мен тәрбиелеуде инклюзивті тәсілдерді қолданудың тиімді жолдарымен танысып, өзара ой бөлісті. Семинарға қатысушылар іс-шараның жоғары деңгейде өткенін атап өтіп, ұйымдастырушыларға алғыстарын білдірді. Барлығы да семинардан мол тәжірибе мен оң әсер алып, өз жұмыстарына жаңа серпінмен оралды