2024 жылдың20 қарашасында мектебіміздің 7-сынып оқушылары «90 жылдыққа – 90 кездесу» жобасы аясында және кәсіптік бағдар беру жұмыстары бойынша қалалық кітапхана филиалының ұйымдастыруымен өткізген іс-шараға қатысты. «Парасат биігіндегі тұлға» атты шарада Қарағанды қаласының ардагерлер кеңесінің төрағасы Тұяқов Ғабит Шоралымен кездесіп сұхбат өткізді. Ғабит Шораұлы оқушыларды өзінің еңбек және мемлекеттік қызмет ардагері ретінде тәжірибесімен бөлісіп, қаламыздың тыныс-тіршілігі мен оқиғалары туралы әңгімесімен баурап алды. Сұхбат барасында оқушыларға болашақта дұрыс мамандық таңдаудың маңыздылығын да атап өтті.    Кездесуде Ғабит Шораұлынан басқа да қонақтар мемлекеттік қызмет ардагері, қоғам белсендісі Мұстафа Серік Хамзаұлы, Ұстаз «ҚР білім беру ісінің үздігі» Смағұлова Ғазиза Ғабдоллақызы, Қарағанды облысы Білім басқармасы кеңесшісі, техника ғылымдарының кандидаты, Құрмет орденінің иесі Қонтаев Сәбит Сейітұлы да болды. Ғабит Шораұлының әріптестері бірге жұмыс істеген кездегі естеліктерімен бөлісіп, оның іскерлік қасиеттерін атап өтті. Сонымен қатар тыңдаушылар Ғабит Шораұлының сегіз қырлы, бір сырлы екеніне көз жеткізді, ол кісінің домбыра тартып, ән шырқаған дауысына тәнті болды.

   Диалог түрінде өткен кездесу балалардың есінде аймақтың көрнекті адамдарымен тілдесу тәжірибесі ретінде сақталады деп ойлаймыз.