Үстіміздегі жылдың 07 желтоқсаны күні «Ғ.Мұстафин атындағы ЖББМ» КММ ұстаздары мен оқушылары Достық үйінде рухани құндылықтарымызды және этносаралық бірлікті нығайту мақсатымен қазақ көркем сөзінің хас шебері Ғабиден Мұстафиннің 120 жылдығына арнап «Қоғамдық келісім» департаменті тарапынан өткізілген ауқымды шараға қатысты. Сахналық қойылым арқылы Ғабең романының кейіпкерлерін сомдады, қанатты сөздерін нақышына келтіре отырып, көпшіліктің жүрегіне жеткізді. Шараға қатысушылар сонымен қатар мектеп кітапханасының меңгерушісі Е.В. Игнатьеваның арқалы қаламгеріміздің «Қарағанды» романы бойынша жасалған буктрейлерін тамашалады. Өнерлерін ортаға салып, мерекелі кештің көркі болған - 5Ә сынып оқушылары Бірлікова Толғанай, Исабеков Әзімхан, Нұрлан Нұрасыл, Дәулеткелді Дидар, Манарбек Әбілмансұр; 7Ә сынып оқушылары Жәлел Оралбек, Болатбек Айжұлдыз, Сатыбалды Мирас; 5Б сынып оқушысы Гасымова Ниса сынды жас ұландарымызға және жетекшілеріне мектеп әкімшілігі атынан оқуда жеңіс, еңбекте жеміс, жарқын болашақ, кемелді келешек тілейміз!