2022 жылдың 13-ші қазанында «Ғабиден Мұстафин атындағы жалпы білім беретін мектебі» КММ жаңа 2022-2023 оқу жылында келген жас мамандармен әдістемелік отырыс өткізілді. Шараның мақсаты: жас мамандарға әдістемелік тұрғыда көмек көрсету, педагог ретінде кәсіби өсуіне жан-жақты жағдай жасау, қолдау көрсету, оқыту үрдісінде орын алатын қиындықтарды бірлесе отырып шешу. Әдістемелік күн аясында «Инклюзивті білім берудің кейбір мәселелері» тақырыбы қарастырылғандықтан отырыс барысында директордың ОЖ жөніндегі орынбасары Даутбекова Айгуль Багдатовна даму мүмкіндігі шектеулі балаларға білім беруді ұйымдастыру мақсатында,  типтік арнайы білім бағдарламасы жасалғандығын және онда балалардың мұқтаждықтары ескеріліп, білім алуларын қамтамасыз ететін жалпы білім үрдістері қарастырылғандығын айтып өтті. Инклюзивті оқыту балалардың оқу үрдісіндегі қажеттіліктерін қанағаттандырып, оқыту мен сабақ берудің жаңа бағытын өңдеуге талпынады. Егер инклюзивті оқытудың оқыту мен сабақ беруге енгізілген өзгерістері тиімді болса, онда ерекше қажеттіліктері бар балалардың жағдайлары да өзгеретіндігіне тоқталды.