Ауған соғысына қатысушымен кездесу.

Қасіретін көзбен көрген жалғанның,

Көкірегінде мәңгілікке қалған мұң.

Алдарыңда бас иеміз тағзым қып,

Соғысында қан кешкендер Ауғанның...

Мақсаты:

Оқушыларға Ауған соғысы жайлы  мәлімет беру, ардагер ағалармен ашық әңгімелесу, сұхбаттасу;

Өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету, есімдерін қастерлеуге тәрбиелеу, оқушыларға патриоттық тәрбие беру.

 Бүгінгі күні ерліктің даңқын асқақтатып, өздерінің азаматтық түр тұлғасын танытып жүрген ардагер ағаларымыз қашанда, қай кезде де мадақ пен марапатқа лайық жандар. Атақты жауынгер жазушы Бауыржан Момышұлы: «Айбындылық аспаннан түспейді» деп қаһарман ұлдарын пана тұтқан. Сондықтан Ауған соғысының ардагерлерін құрметтеу біздің азаматтық парызымыз.

Ауған соғысына қатысып, өзінің азаматтық борышын өтеп қайтып, қасіретті соғыстың қиыншылығын көрген  қонағымыз:

 Жайнаков Жұмабек аға.Кездесу барысында оқушылар  қызықтырған сұрақтарын қоюға мүмкіндік алды. Жұмабек аға өз ойларымен бөлісіп қана қоймай, қазіргі жастарға бейбіт өмірді сақтауға, түрлі арандатушылыққа бой алдырмауға, Отанды қорғауға дайын болуға шақырды.  

      Бір кезде қатерге бел буып, батырлықпен қайсарлықтың үлгісін көрсетіп,
қаһармандық танытқан,  Отан алдындағы парызына адал болған Ауған соғыс
ардагеріне  ризашылығымызды  білдіріп,  қатарларыңыз сиремей елдің рухын көтеріп, жылдан жылға аман- есен жүре беріңіздер демекпіз.