2021 жылдың 27 қыркүйегі күні Ғабиден Мұстафин атындағы жалпы білім беретін мектебінде түрлі елдердегі бастауыш сынып оқушыларының мәтінді оқу және түсіну деңгейі мен сапасын салыстыруға, сонымен қатар ұлттық білім беру жүйелеріндегі айырмашылықтарды анықтауға мүмкіндік беретін Білім жетістіктерін бағалаудың Халықаралық Қауымдастығы (ІЕА) арқылы жүзеге асырылатын халықаралық зерттеу өткізілді.Зерттеуге мектебімізден екі сынып (5Ә, 5Г) қатысты. Зерттеу талаптарына сай білім алушылар екі мәтін бойынша жұмыс жасап, оқу сауаттылығы бағытында меңгерген білім, білік, дағдыларын сараға салды. Ғабиден Мұстафин атындағы ЖББМ әкімшілігі, осы үлкен сыннан  өту жолында оқушыларымызды қолпаштаған ата-аналарымызға, қажетті білім, дағдыларды жан-жақты меңгерулеріне жағдай жасаған пән мұғалімдеріне, күн сайын конференциялар, шеберлік сабақтарын ұйымдастырып әдістемелік тұрғыда қолдау көрсеткен Қарағанды облысында білім беруді дамытудың оқу-әдістемелік орталығының директоры Абдикерова Бакиткул Химальдиновна мен бөлім меңгерушісі Мукашева Гульсым Габбасовнаға алғысымызды білдіреміз!