ІҮ қалалық "Халық ауыз әдебиеті әлеміне саяхат" байқауы.

Барысы:

Жүргізуші: мемлекеттік МӘБ-ң жетекшісі Нұрмағанова Г.Ш.

-Сәлеметсіздер ме,құрметті оқушылар,әріптестер,келген қонақтар!

 Бүгін  біз  ІҮ қалалық "Халық ауыз әдебиеті әлеміне саяхат" байқауына жиналып отырмыз.

ІҮ қалалық "Халық ауыз әдебиеті әлеміне саяхат " байқауының мақсаты мен міндеттері: Жас буынға ұлттық тіліміз бен мәдениетімізді,салт-дәстүрімізді кеңінен насихаттау,қазақ халқының даналық сөздерінің қадірін бағалап,қастерлеу,жастардың көркем әдеби тілде сөйлеу және ойлау қабілетін дамыту.

  

Байқау 3 бағыт бойынша өткізіледі:

1."Сәлем - сөздің атасы " (3 минут)

Туған жерін,оқитын мектебін көркем ой,кестелі сөзбен суреттеу  арқылы өзін  таныстыру.

2."Даналық ойдан дән ізде"(3 минут)

 Берілген тақырыптар бойынша мақал-мәтелдер айту: "Отан","Туған жер","Білім,ғылым","Адамгершілік","Ынтымақ,бірлік","Еңбек","Батырлық","Тіл өнері".

3."Ақылың болса,сөз тыңда"(3минут)

Қазақ хан ,би,шешендерінің ұлағатты сөздерін нақышына келтіре,мәнерлеп жатқа оқу.

Байқаудың шарттары:

         Байқауға қатысушы үміткерлер топпен жұмыс жасайды.Бір топта 3 оқушы болуы керек.Байқауға орыс тілінде оқытатын мектептердің 5-8 сыныптарында оқитын қазақ балалары қатыса алады (әр мектептен 3 оқушы) үміткерлердің тіл байлығына,тіл мәдениетіне,дауыс мәнеріне,сахналық мәдениетіне,киім кию мәдениетіне назар аударылады.

Байқаудың әділқазылар алқасының  мүшелерімен таныстыру:

Әр сайыстың төрешісі болады,

Әр тартыстың нәтижесі шығады.

Әділ баға беретін қазылармен

Танысқымыз келеді де тұрады!

Олай болса,әділқазылармен таныс болайық!

1.Көшерханова Айман Нұрмаганбетовна- №15 мектептің қазақ тілі мен әдебиеті пәндерінің мұғалімі.

2.Оспанбай Талғат -техникалық  лицейдің қазақ тілі мен әдебиеті пәндерінің мұғалімі.

3.Каримова Кенжегуль Биляловна -№53 қазақ тілі мен әдебиеті пәндерінің мұғалімі.

Әділқазылар алқасының мүшелері қатысушылардың өнеріне 5 балдық жүйемен бағалайды.

Бірлесіп көрермен қауымдармен,

Сәлем беріп келешек ару-таңмен.

Қазағымның ежелгі әдетімен,

Танысайық өнерлі жас ұланмен!

         Байқаудың "Сәлем сөздің атасы"  бағыты бойынша қатысушы туған жерін,оқитын мектебін көркем ой,кестелі сөзбен суреттеп  өзін таныстырады. Осы бағыт бойынша мектептердің реттік нөмірі:

 

Бүгінгі кеш-қызықты кеш,

Көрермендер халайық.

Өнерпаздар алға шығып,

Биікке қанат қағайық.

Сән-салтанат жасайық,

Күй сандықты ашайық.

Бұл мереке,бұл тойға,

Әннен шашу шашайық.

 Ән 11"А"

"Білекті бірді жығады,білімді мыңды жығады" дей отырып,мақал-мәтелдер сайысын тамашалайық.

         Байқаудың  " Даналық ойдан дән ізде" бағыты бойынша қатысушы берілген тақырыптар бойынша мақал-мәтелдер айтады; "Отан","Туған жер","Білім,ғылым","Адамгершілік","Ынтымақ,бірлік","Еңбек","Батырлық","Тіл өнері".Осы бағыт бойынша мектептердің реттік тізімі:

Ән

Абай атамыз былай деген еді:

Өлең-сөздің патшасы,сөз сарасы,

Қиыннан қиыстырар ер данасы.

Тілге жеңіл,жүрекке жылы тиіп,

Теп-тегіс,жұмыр келсін айналасы.

         Байқаудың"Ақылың болса,сөз тыңда" бағыты бойынша қатысушы қазақ хан ,би,шешендерінің ұлағатты сөздерін нақышына келтіре,мәнерлеп жатқа оқиды. Осы бағыт бойынша мектептердің реттік тізімі:

Дәуірлеп тасысын дәулетің,

Биіктен шырқасын сәулетің.

Қазағым,еркін ел,кең байтақ,

Құлпырсын,гүл жайнап келбетің.

"Атамекен" әні

Әділқазылар  алқасының қорытынды сөзі.

         -Құрметті қонақтар, әріптестер,оқушылар осымен ІҮ қалалық "Халық ауыз әдебиеті әлеміне саяхат" байқауы өз мәресіне жетті.Зейін қойып, тыңдағандарынызға көп рахмет.Мектеп ұжымы атынан алғысымызды білдіреміз.