«СЫБАЙЛАС ЖЕМҚОРЛЫҚҚА ЖОЛ ЖОҚ!»

(Оқушылар мен ата-аналар назарына арнаған ақпарат)

Сыбайлас жемқорлық заман ағысымен бірге өсіп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін  жойылмай келе жатқан  кеселдің бірі. Кез келген өркениетті қоғам үшін сыбайлас жемқорлықпен күрес ең өзекті сұрақтардың бірі болып табылады. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын әлемдегі барлық елдердің қай-қайсысын да қатты  алаңдататыны айқын.

Барлық мемлекеттік органдар мен онда қызмет атқаратын лауазымды тұлғалар сыбайлас жемқорлыққа қарсы іс қимылды жүргізуі тиіс.  Бұл ұйымдардың басшылары өз өкілеттілігі шегінде кадр, бақылау, заңгерлік және өзге де қызметтерін тарта отырып, Қазақстан Республикасының «Сыбайлас жемқорлыққа қарсы іс-қимыл туралы» Заңына сәйкес заң талаптардың орындалуын қамтамасыз етуге міндетті.

Қазақстан Республикасының заңнамаларына сәйкес, сыбайлас жемқорлық қылмыстарға негізінен лауазымды қылмыстар жатады:

• қызмет өкілеттілігін теріс пайдалану;
• билікті не қызметтік өкілеттілікті асыра пайдалану;
• пара алу, пара беру, парақорлыққа делдал болу;
•  қызметтік жалғандық жасау, жалған сөз жеткізу, жалған жауап беру;
• лауазымды адамның сот үкімін, сот шешімін немесе өзге де сот актісін орындамау т.б.