Ардақ Назаровпен  өткен "Адалдық сағаты" 

7 «Ә» сынып

31.10.2020 ж.

         2020 жылдың 31 қазанында 7 «Ә» сынып оқушыларымен «Адалдық сағаты» тақырыбында  сынып сағаты өтті. Бұл сынып сағатында оқушыларға танымал спортшы, ел мақтанышы Ардақ Назаровтың ютуб желісінде  жастармен парасаттылық тақырыбында ой бөліскен бейнеролигі көрсетілді.

       Алдымен оқушыларға спортшы туралы ақпарат берілді: Ардақ Назаров 1980 жылы 14 қазанда Алматы облысының Райымбек ауданында дүниеге келген. Джиу-джитсудан Қазақстан чемпионы (1999, Алматы). Ережесіз жекпе-жектен әлемнің екі дүркін чемпионы (2004, Хабаровск, Ресей, 2005, Сеул, Корея) және әлем кубогының иегері (2004, Хабаровск, Ресей). Еуразияның екі мәрте чемпионы (2001, Астана, 2002 Қарағанды). Азия және Еуропа чемпионы (2003, Бішкек, 2007, Таллин). Еуропа – Азия матчтық кездесуінің жеңімпазы (2005, Екатеринбург, Ресей). Санкт-Петербор, Бішкек, Владивосток, Сеул қалаларында өткен халықаралық турнирлердің жеңімпазы.

         Бейнероликте «Парасатты адам деген кім? Парасатты болу қаншалықты маңызды? Жемқорлықты жеңу үшін не істеуіміз қажет? Жеңіске жетудің сыры неде?» деген көптеген сұрақтар төңіргенде ой қозғалған. Оқушылар осы айтылған ойларға қорытынды жасап, өз пікірлерін ортаға салды. Оқушыларға, әсіресе, Ардақ Назаровтың бір сөзінде айтылған мына бір әңгімесі қатты ұнады: «Кезінде Ғани Муратбаев ағамыз бір ауылға келсе, екі кішкентай бала ұрлық жасап, ұрлықпен келген нанды бөліп жеп отырады. Сонда ата-анасы қайтыс болған екі жас баланы қолынан жетектеп Алихан Бөкейханға апарады. Сонда Алихан Бөкейхан сол екі баланың болашақта үлкен ғалым болуына себепкер болған екен. Ауылда бұзықтықпен тентектікпен аты шыққан, адам болмайды деген екі баланы Алихан Бөкейхан бір-ақ сөзбен «Мен сенің көзіңнен от көріп тұрмын, шырағым. Сен үлкейгенде ғалым боласың» - деп, арқасынан қағып, сипаған екен».

     Осыдан балалар жемқорлықпен күресудің қаншалықты маңызды екенін түсіне отырып, пікірлерімен бөлісті. Танымал спортшы, ел мақтанышы Ардақ Назаров сынды табысты тұлғалармен  кездесу оқушылар үшін аса танымды, мазмұнды да мәнді кездесулердің бірі болды.