5 қыркүйек - Қазақстан халықтарының Тіл мерекесі

          Қазақстан Республикасы 2017 жылғы 31 қазандағы №689 «Қазақстан Республикасында мереке күндер тізбесін бекіту туралы» қаулысына сәйкес,5 қыркүйек – Қазақстан Халқы тілдері күні болып бекітілді. Мереке қарсаңында Ғ.Мұстафин атындағы №83 жалпы білім беретін орта мектепте көптеген мерекелік іс-шаралар өткізілді. Атап айтсақ, тіл апталығы, сынып сағаттары, сурет салу байқаулары, әңгіме-сұхбат т.б.
         Тіл мерекесін тойлаудағы мақсатымыз  Қазақстан халықтарының  өз ана тіліне деген құрмет сезімін арттыру, тіл мәртебесін көтеру, таза сөйлеуге үйрету, өз ұлтына, еліне деген сүйіспеншілігін ояту. Ана тіліміздің тұғырының мықты болуына негіз қалаған бабаларымыздың өсиетін ұран ету, қазақ тілінің мәртебесін көтеру. Қазақстан мемлекетінде тұратын барлық халықтардың тілдерін құрметтеу.Тіл – халық тарихы, тіл – ұлттық қазына, тіл – біздің намысымыз, арымыз, байлығымыз, барымыз.Тіл – қай ұлтта, қай елде болса да қастерлі, құдіретті. Ол әрбір адамға ана сүтімен бірге еніп, қалыптасады. Тіл байлығы – әрбір елдің ұлттық мақтанышы. Тілімізді қадірлейік, құрметтейік. Тіл мерекесі құтты болсын!

Сурет байқауы