Қазақстан Республикасы Білім және ғылым министрінің 2020 жылғы 24 маусымдағы № 264 бұйрығымен «Бастауыш, негізгі орта, жалпы орта білім берудің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгі ережесіне» және "Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау" мемлекеттік қызмет стандартына өзгерістер енгізілді.
Бастауыш білім берудің жалпы білім беретін оқу бағдарламаларын іске асыратын білім беру ұйымдарының бірінші сыныбына түсетін баланың ата-аналарынан немесе өзге де заңды өкілдерінен құжаттарды қабылдау мерзімі өзгерді, енді қабылдау ағымдағы күнтізбелік жылдың 1 сәуірінен 1 тамызына дейін жүргізіледі.
Сонымен қатар, аталған мектепке бекітілмеген аумақтардан балаларды қабылдау шарттары өзгерді. Енді, кез келген мектеп оқуға қабылдау кезінде білім беру ұйымының қызмет көрсету аумағынан бірінші өтініш берген 3 (үш) көрсетілетін қызметті алушыға, содан кейін бірінші болып тіркелгендердің ішінен білім беру ұйымының қызмет көрсету аумағынан тыс 1 (бір) үміткерге қабылдау туралы хабарлама жібереді. Сондықтан, назар аударамыз, тұрғылықты жерінен тыс мектепке өтініш беремін деген ата-аналарға 1 тамызды күту қажет емес. Сіздерге, таңдалған мектепке қазіргі уақыттан бастап, электрондық үкімет порталына өтініш қалдыруыңызға болады.
Мектепке қабылдау бойынша қызмет көрсетуден бас тарту бірнеше жағдайда болуы мүмкін:
1) Мемлекеттік көрсетілетін қызметті алу үшін көрсетілетін қызметті алушы ұсынған құжаттардың және (немесе) олардағы деректердің (мәліметтердің) дәйексіздігі анықталғанда;
2) Қазақстан Республикасы Білім және ғылым Министрінің 2018 жылғы 12 қазандағы №546 бұйрығымен бекітілген «Бастауыш, негізгі орта және жалпы орта білім берудің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгі қағидаларында» көрсетілетін белгіленген талаптарға қызметті алушының ұсынылған құжаттарының сәйкес келмеуі;
3) сынып-жинақтардың толып кетуі.
Карантинге байланысты өтініш беру кезінде медициналық құжаттарды қоспауға болады. Оларды бала мектепке барғанда ұсыну қажет.
Авторство:
