«Сұлулық пен әдемілікті денсаулықтан бөлек қарастыруға болмайды» Марк Туллий Цицерон. Спорт дегеніміз не? Ең алдымен спорт - ол денсаулық. Ал денсаулық ол бақыт, бақыт әр адамға қажет. Ауырған адамды бақытты деп айту қиын. "Денің сау болса, бәрін табасың" дейді халық даналығы. Мұнымен келіспеу мүмкін емес. Денсаулығыңа деген қамқорлық - бұл әркімнің міндеті және парызы. Мектебіміздің дене шынықтыру пәнінің мұғалімі Комкова Любовь Владимировнаның пайымдауынша дене жаттығулары адамның көңіл-күйіне, ағзалық ахуалына оң әсерін тигізеді. "Адамның жады үшін ең үлкен ем - ол спортпен айналысу" деп К.Д,Ушинский айтқандай спорт қашан да дене үйлесімінің, ой елегінің негізгі көзі болып қала бермек.