Ауған соғысына қатысушымен кездесу. Ауған соғысы. Біз ол туралы қаншалықты білеміз? Ол соғыс тарих түбіне кетті, жай кеткен жоқ, мыңдаған жауынгер-интернационалистердің өмірін ала кетті. Интернационалист-жауынгерлер өз міндеттерін асқан жауапкершілікпен, өжеттікпен, батылдықпен атқарды.

Олар есімізде мәңгілікке қалды. Байланысты үзбей, ол ерлердің есімін ұрпақтан ұрпаққа жеткізу біздің тікелей борышымыз. Үстіміздегі жылы Ауған жерінен әскерлердің шығарылғанына 31 жыл толып отыр.  

Осы орайда 6 ақпан күні ауған соғысының қатысушысы, жауынгер-интернационалист Жайнаков Жұмабек еркеновичпен кездесу өтті. Жумабек Еркенович Отан алдындағы борышын өтеуде қандай қиын күндерді басынан өткергені жайлы әңгімеледі. ОЛ Баглан, Кундуз сияқты ауылды жерлерде соғысқан екен. Ал негізгі әскери міндетін өтейтін жері - Газни ауылы болған. Кездесу қонағы оқушыларымыздың тарапынан қойылған көптеген сауалдарға жауап бере отырып, ризашылығын білдірді.