Еліміздің Президенті Қасым-Жомарт Тоқаев 2020 жылды еріктілер (волонтёрлар) жылы деп жарияланған болатын. 25 қаңтар күні мектебіміздің жасұландары мен еріктілері, кенші, еңбек ардагері Шеряев Ратфулла атамызға қол ұшын беріп, көмек көрсетті. Ратфулла атамыз 82 жаста. Балалары Ресей мемлекетінде тұрады. Жолдасының өмірден өткеніне 5 жыл толған екен. Атамыздың ауласында сирек кездесетін ағаштар, жеміс ағаштары өседі. Оның ішінде жүзім ағашы да бар. Және Қарағанды қаласы бойынша, атамыздың сөзіне қарағанда, қарт атамыздың ауласында ғана грек жаңғағы өсіп тұр екен. Үй маңайында жылыжай да бар. Онда жаз айында әр түрлі гулдер өседі. " Осы үйде 50 жыл болды тұрып жатқаныма. Биылғы жылы қар өте көп мөлшерде түсті. Қалай тазалаймын деп уайымдап отыр едім. Сіздерге көптен көп рахмет" - деп Ратфулла атамыз шын жүректен алғысын айтты.