2019 жылдың 20 желтоқсаны күні Қарағанды облысының дене шынықтыру және спорт басқармасында халықаралық мәрелерде топ жарып, жүлдегер атанған спортшылардың пресс-конференциясы өтті.  Бұл конференцияға Ғ.Мұстафин атындағы №83 ЖББОМ дене шынықтыру пәнінің мұғалімі, ҚР халықаралық деңгейдегі спорт шебері Кокмкова Любовь Владимировна да қатысты. Любовь Владимировна Жеңіл атлетикадан өткен 21 Азия чемпионатында (Малайзия, Кучинг қаласы) 4 алтын және 1 қола медаль алып, 800м және 2000м жүгіруде 2 мәрте рекорд жаңартты. Любовь Владмировнаға осы жеңісі үшін Азияның үздік спортшысы Кубогы табысталды.    Азия чемпионатындағы жүлделері және спорт пен салауатты өмір салтын насихаттау ісіне қосқан қомақты үлесі үшін ДШСБ басшысы Қожабеков Р.Д. алғыс хатпен марапаттады. Мектеп әкімшілігі, әріптестері Дюбовь Владимировнаға қашан да спорт жолында тек биіктерді бағындыра беруіне тілектестік білдіреді!