Ғ. Мұстафин атындағы №83 ЖББОМ-де 25қараша-10 желтоқсан  аралығында «Зорлық - зомбылықсыз балалық шақ» атты акция өтуде.

          Бала тәрбиесінің дұрыс жолға түсуі, оны қоршаған ортаға, әсіресе отбасы мен ұстаздар қауымының парасаттылығына байланысты. Үйдегі заңсыздыққа бойы үйренген бала басқаның да құқығын сыйламайтын, ол туралы ойланбайтын болады, керісінше жанұядағы жақсы қарым-қатынаста өскен бала ертең қайырымды болып өседі. Баланы түзу өсіретін қорқыту-үркіту емес, оның еркін өсуі жан-жақты дамуына игі әсер етеді. Соған орай 30.11.2019 ж. тәрбие жөніндегі орынбасары, психолог, сынып жетекшілер бірлесе отырып «Жанұяда балаға зорлық- зомбылық болмасын» атты ата-аналар жиналысын өткізілді. Ата-аналар зорлық зомбылықтың түрлерімен танысып, жағдаяттар шешіп, пікір алмасып, баламен қарым-қатынас қалай орнату керектігін және де келеңсіз жағдайларда балалармен қалай сөйлесу керектігі туралы кеңес алды. Мектеп басшысы Асамиданова Г. И ат салысып, ата – аналарға кеңес берді. Отбасындағы зорлық-зомбылыққа қарсы ата-аналарға арналған жадынама таратылды.