Майдан болған өртті сөндіреміз

Тамақ әзірлеу  - күнделікті қалыпты жағдайлардың бірі. Алайда бұл үрдістің де өзіндік қаупі бар екендігін естен шығармауымыз керек. Қараусыз ас плитасында қалған ыдыс (таба, кастрөл т.б.) ішіндегі май қызған кезде өрт шығу қаупі туындайды. Табиғи майлардың басым көпшілігі 232°C, ал жануарлар майының 191°C-та өте жоғары температура алып, түтіндей бастайды. 

Ең бірінші қадам - ол плитаны тоқтан ажырату. Кастрөлді жылжытуға тырыспаңыз, себебі ыстық майды өзіңізге шашыратып алуыңыз мүмкін. Ең дұрысы кастрөлді қақпақпен жауып қойыңыз, бұл оттегінің келуін тоқтатады.  

Егер жалын күшейсе, оған ас содасын себіңіз. Сода оттегін өзіне сіңіріп алады. Содамен әлсіз отты да өшіруге болады, алайда от күшті болса, онда соданың көмегі болмайды. химиялық от сөндіргіш қолжетімді жерде болса, оны да қолданыңыз. Ол майдан тұтанған жалынды өшіруде таптырмас құрал.  

Жалын басылмайынша және кастрөл суымайынша ештеңеге тиіспеңіз. Егер же өзіңіз әрекет етуге жүрексінсеңіз, өрт сөндірушілерді шақырыңыз. Ас үйді құтқарамын деп, өз өміріңізді қауіп қатерге тікпеңіз.. 

Майдан болған өртті ешқашан да сумен өшіремін деп ойламаңыз. Су мен май араласпайды.  

Жалынды орамалмен, фартукпен немесе тағы да басқа маталармен желпімеңіз.Сіз оттың күшеюіне жағдай жасайсыз.  

Ас үйде, ас плитасының үстінде тамақ әзірлеп жатқан уақытта ешқашан ол жерден алшақ кетпеңіз.  Сақ болыңыз. Қарағанды қаласының ТЖБ қала тұрғындарына өртті өшіруден гөрі, оның алдын алған жеңіл екендігін естеріңізге салады. Ас үйлеріңізде мұқият, болыңыздар және абайлаңыздар!