30 қыркүйек күні мектебімізде "Мектепішілік өзін-өзі басқару президентін сайлау" бойынша сайлауалды компаниясы өз жұмысын бастап кетті. Биылғы оқу жылында мектеп президентіне төрт үміткер анықталды. Олар: Бикбаева Ангелина - 8В сынып оқушысы, Феткулова Алина - 10А сынып оқушысы, Одиноков Максим - 10Б сынып оқушысы және Мамедов Эльнур - 9Г сынып оқушысы. Үгіт-насихат жұмыстары нәтижесінде үміткерлер өздерінің бағдарламаларымен таныстырды, плакаттарды және сайлауалды бағдарламалар берілген парақшаларды таратты. 

Сайлау 10 қазан күні мектепішілік дауыс беру арқылы ұйымдастырылды. 

2019 жылдың 10 қазанында таңертеңгі сағат 8.00-де өткен еркін дауыс беруге 7-11 сынып оқушылары қатысты. Ең белсенді дауыс берушілер деп  9 «Б» , 9 «В»,9 «Г» және 10 «А», 10 «Б» сыныптары танылды. 

Мектебіміздің көшбасшы оқушысы Одиноков Максим Мектеп жоғары сынып оқушылары кеңесінің Президенттігіне лайық деп танылды. 

Мектебіміздің жаңа президентіне жемісті еңбек пен биік жетістіктер тілейміз! 

14  қазан күні мектеп жиынында "Мектепішілік өзін-өзі басқару президентінің" инаугурациясы өтті.