1 маусым күні мектеп жанынан құрылған "Балдырған" сауықтандыру лагерінде "Физкульт - УРА!" мерекесі аталып өтті. Спорттық мереке Ә.Д.Түсіпбектің сергіту жаттығуларынан басталды. Спорттық мерекенің негізгі бөлігін эстафеталық жарыстар құрады. Командаларға жүгіру, секіру,доппен, кегльдермен және обручтармен жасалатын байқаулар ұсынылды. Бұл ойын түрлері оқушылардың спорттық, зияттық қабілеттері мен дағдыларын көрсетуге мүмкіндік берді. сСпорттық мерекенің барлық кезеңдері аса тайталасқан күрес түрінде өтті. Жанкүйерлер өз командаларына қолдау көрсетіп отырды. Қатысушылардың барлығы мәреге бірінші жетуге тырысты. Ұымдастырылған шара балаларды ұйымшылдыққа, ұжымдыққа бастап, ешкімнің көңілін қалдырмады. Жарыстар нағыз спорттың, денсаулықтың және қуаныштың мерекесі бола алды!