Латын әліпбиіне көшу мәселесіне қатысты құрылған жоспарға сәйкес Ғ.Мұстафин атындағы №83 жалпы білім беретін орта мектепте оқу қазақ тілінде жүретін 5Ә сынып оқушыларымен «Латынша жазылған алғашқы шығармам» тақырыбында жазба жұмысы алынды. Қазақ тілі мен әдебиеті пәндерінің мұғалімі Кокина Ақзер Зарықбековнаның жетекшілігімен оқушылар еркін тақырыпта ой толғап, шығармаларын латын қаріптерімен таңбалап, қағаз бетіне түсірді. Жас буынның латынша жазу кезінде асқан қызығушылық танытуы – алдағы уақытта латын әліпбиіне көшу мәселесі бойынша көп қиындық туындамайтындығының айғағы.