30 наурыз күні 9 «ә» сынып оқушылары кітапханашылармен бірігіп, сыныптан тыс дөңгелек үстел ұйымдастырды. Дөңгелек үстелде қазақ халқының ұлы ақыны Абай Құнанбаевтың өлеңдері мен қара сөздері туралы, Алаш көсемі Ә.Бөкейханның өмірі, жыр алыбы Жамбылдың күйлері туралы оқушылар ой қозғады. 9 «ә» сынып оқушысы Амирбекова Айжан өзінің Әлихан Бөкейханға арнап жазған «Алашорда айнасы» өлеңін оқыды. Сынып жетекшісі Асанова Жұмагүл Манатовна іс-шараға қатысқан оқушыларды үш топқа бөліп, әр топқа тапсырма берді.  Әр топ осы аталған ұлы адамдардың өміріне шолу жасап, қазіргі ұрпаққа қалдырған бай мұрасымен танысты. Сонымен қатар, қазіргі жастарға үйрететін тәрбиелік мәні айтылды. Мектебіміздің кітапханашылары оқушыларды осы ұлы адамдардың шығармалары, басылымға шықпаған қол жазбалары жайында, айтылмаған күйлері туралы сыр шертті. Демалыс кезінде ұйымдастырылған бұл іс-шараның маңызы зор болды.