Осы бүгінгі көктем мезгіліндегі қазақтың ұлт мейрамы Наурыз - яғни Жаңа жыл! Жалпы мұсылман жұртына ортақ ораза, құрбан айтты есептемегенде, біздің қазақтың жалғыз - ақ мейрамы ол - Наурыз.

Наурыз айының 22 - інде күн мен түн теңеледі. Адамдар бір - бірін мерекемен құттықтайды. Үлкен кісілер ақ тілек айтып, бата береді.

Наурыз келсе,
Құт келгені халайық!
Есік ашып, шашу шашып,
Ел боп қарсы алайық.

Наурыз - шығыс халықтарының жаңа жыл мейрамы. Наурыз - дүниенің ғарыштық сипатын, адам мен ғарыштың ортақ тегін білдіретін мейрам.  Осымерекеге байланысты Наурыз айының 18-жұлдызында №32 ЖББОМ-де төл мерекемізге арналған «Қош келдің әз-Наурыз » атты мектепішілік үлкен іс-шара өткізілді. Мектебіміздегі барлық оқушылар бір адамдай ат салысып,белсене қатысты.

Сонымен қатар әр сынып «қазақ ауылы» болып  бөлініп, қазақтың ұлттық тағамдарын даярлап, ұлттық тағамдардың бірі наурыз көжеден де дәм таттырды,   дастархан жайылды.

8 «Ә» сынып оқушыларының ұйымдастыруымен «Төрлет - Наурыз» атты сынып сағатын өткізді. Қазақтың төл мерекесіне арналған  көріністер қойылып, ұлттық ойындар ойналды. Көрермендер арасында сұрақтар қойылып, қолқа салынды.

Әділ қазылар алқасы шешімі бойынша әр сынып номинациялармен марапатталды.