Мұғалім білім беру жүйесінде негізгі тұлға. Жас жеткіншіктердің сапалы білім алуына, саналы, еліміздің нағыз патриоты, гуманист, нағыз шыншыл, адал, еңбексүйгіш, қайырымды, қайсар ұлтжанды азаматы болып қалыптасуына мұғалімнің сіңірер еңбегі зор.

 «Қазіргі мектептегі мұғалімнің мәртебесі қандай болу керек?» деген сұраққа төңірегінде ой қозғалыс, Елбасымыз Н.Назарбаевтың «Мұғалім рухани дамыған, әлеуметтік тұрғыдан көзі ашық шығармашыл тұлға, педагогикалық құралдардың барлығын шебер меңгерген білікті маман. Ол жоғары білімді шығармашыл тұлғаны қалыптастыру жолында үлкен жауапкершілікпен жұмыс істейді» деген сөздерді жауап береді деп ойлаймын.

Осы ойды талдасам, біріншіден Бейсекеева Шолпан Бергенқызы ары таза, адал, инабатты, байсалды, ұстамды, төзімді және кешірімшіл.

2014 жылдың  20-шы желтоқсанында өткен «Әліппе - білім бастауы» сабағы жоғары деңгейде болды. Айта кететін  болсақ, ортада екі кигіз үй  макеті қойылған -  біреуі дауысты, ал екіншісі дауыссыз дыбыстар. Балалар осы кигіз үйден шықты. Ортаға нағыз білімнің бастауы кітап тілін ашқан «Әліппе»  келді.  Әліппенің құрметіне балалар көңілді күймен «Әліппе» әнін орындады. Әр бала өз білімін ортаға салды. Бәрі жарасымды, орынды болды. Кейіннен ұлттық киімде «Ана тілі» өз биін билеп кірді. Балалар да « Ана тіліне» арналған өлең шумақтарын айтып,  «Кішкентай жұлдыздар» биін билеп, «Ақ көгершін» әнін орындады.Ата-аналар тарапынан  шашу шашылып, ақ бата берілді. Сыныптан тыс іс-шара ұлттық нақышта өтті.

Біз ұстаздар ретінде Шолпан Бергенқызына шын ниетімен, адал еңбегімен шәкірттеріне білім беріп жүргеніне ризашылықпен алғыс айтамыз.

Педагог Шолпан Бергенқызына ерең де елеулі еңбегіңізге шығармашылық табыс, қайсар мінез және білімді шәкірттердің болуын тілейміз.