Қараша айының 24 мен 29 аралығында «Нұрлы жол болашаққа бастар жол» атты қазақ бастауыш сынып ұстаздары  әдістемелік бірлестігінің апталығы болып өтті. Апталықтың іс-шара жоспары алдын – ала жоспарланып, бекітілді. Апталық басы тәуелсіздік күніне арналған жиыннан басталды.

Әрбір өткізілген сабақ Елбасымыздың соңғы  жолдауымен  басталды.

Мұғалімдер ашық сабақтарында жаңа инновациялық технологиялардың әдіс –тәсілдерін тиімділігіне қарай шебер қолдана білді. Сабақтардың құрылымы жүйелі құрылды. Әсіресе бағалаудың ерекше жаңа әдістерін пайдалана отырып, оқушылардың қабілетіне сай іс – әрекет жасауына жағдай жасалды. Оқытуды ұйымдастырудың әр түрлі формалары: ұжымдық, топтық, жұптық жұмыс түрлерін кеңінен пайдаланылды. Пән мұғалімдері  қазіргі заманауи технологияларды пайдалана отырып ,озық тәжірибелерімен бөлісті.

Апталық барысында өткізілген ашық сабақтарды мұғалімдер сын тұрғысынан ойлау  дамыту технологиясын ,ойын технологиясын, оза оқыту, дамыта оқыту технологиясы, АКТ пайдалана отырып жүргізді. Сабақтарда әртүрлі шығармашылық тапсырмаларды оқушылар қызығушылықпен орындады.Сабақтарға бастауыш сынып мұғалімдері, мектеп әкімшілігі қатысып, талдау жасалып, жақсы баға берілді. Атап айтқанда, заман талабына сай ақпараттық технологияны пайдаланып өткізілген сабақтары жоғары бағаланды. Жоспарға сай мұғалімдердің ашық сабақтарына тоқталсақ: 2»Ә» сыныбында Жолдасбаева М.И «Санды өрнектерді салыстыру» тақырыбы бойынша  дамыта оқыту технологиясын

қолдана отырыпматематикадан сабақ берсе,

2 «Е» сыныбында Тусупбаева Г.А қазақ тілінен ойын технологиясын , талдаудың түрлерін пайдаланып  «Хабарлы сөйлем» тақырыбында ерекше сабақ берді.

Зертханалық жұмыс арқылы оқушы қызығушылығын арттыра отырып  3 «Е» сыныбында дүниетанудан Жолдасбаева Б.И «Мұнай және газ» тақырыбынан қызықты сабақ түрін көрсетсе

3 «Ә» сыныбында Дарибаева Т.К әдебиеттік оқу пәнінен «Менің өмірім» атты сабағында СТО технологиясы элементтерін кеңінен қолданып , оқушыларға өмірлері туралы ой тастады.

4 «Е» сыныбында қазақ тілі пәнінен «Сөз және оның мағынасы»тақырыбында сабағын  Кузембаева Л.Д  АКТ көмегімен оқушылардың мүмкіндік деңгейлерін көрсетті.

1 «Ә» сынып мұғалімі Бейсекеева Ш.Б-ның ертегі  арқылы  ойластырылған «Ю дыбысы мен әрпі»таныстыру сабағы, 1 «Е» сыныбының мұғалімі Омаркулова Г.С өткізген «Х  дыбысы мен әрпі» сабақтары өте жақсы бағаланды.Мектепке дейінгі даярлық топтарында Алиева Г. мен Магрупова Н.А сабақтарынан бүлдіршіндердің  шамалы уақыт өтсе де, оқуға тез бейімделгендерінің куәсі болдық. 

Апта оңында  бастауыш сынып мұғалімі Кузембаева Л.Д «Өзін- өзі тану» пәні бойынша бастауыш сынып мұғалімдеріне семинар өткізді.

Соңғы күні «Менің президентім» атты тақырыпта жас зерттеушілер жобалар дайындап, қорытынды сынып сағаттары өткізілді. Ұстаздарға еңбектеріңіз жана берсін дегіміз келеді.