№32 ЖББОМ Қазақстан Республикасы халықтарының тілдер күні мерекесі салтанатты жиыннан бастау алды. Әр сынып оқушылары қазақ, орыс, ағылшын тілдерінде шығармалар оқып, көптің көңілінен шыға білді. Көптеген сыныптар аталған тақырыпта өз шығармашылығын көрсету мақсатында қабырға газеттерін шығарды. «Жүсіпбек Аймауытовқа – 125 жыл» атты тақырыпта дебат, Қазақтың ақын – жазушылары С.Сейфуллиннің, Б.Майлиннің І.Жансүгіровтің – 120 жылдық мерейтойларына арналған «Қазақтың үш бәйтерегі», атты тақырыпта 6,8-10 сынып оқушылары арасында дөңгелек үстел өтті. Балалар мен ұстаздардың осы шараға бар жауапкершілікпен дайындалғаны бірден көрінді. Осы тақырып аясында өздерінің дайындаған баяндамаларын оқыды, талқылады,  пікірлесті, шығармаларынан үзінділер оқыды. «Кім тапқыр?» атты тақырыпта 5 сынып арасында топ аралық жарыс жақсы деңгейде өтті. Оқушылар қойылған сұрақтарға бар қызығушылықтарымен  жауап беріп отырды. «Тіл – байлық» атты тақырыбындағы интеллектуалдық ойын да жақсы деңгейде өтіп, келген қонақтарды бірден баурап алды.  Бастауыш сынып оқушылары арасында өткен «Қазақ тілі беттері» викториналық ойны, «Тіл құдіреті» топ аралық жарысытары да тамаша деңгейде өткізілді, оқушылар өздерін еркін ұстап, өз өнерлерін ортаға салды. Мерекенің салтанатты жабылуы үлкен гала-концертпен аяқталды. Бұл жерде осы мерекені ұйымдастыруда педагогикалық ұжымның сіңірген еңбегін айтып кетпеске болмас. Өткізілген барлық шаралар жақсы деңгейде өтіп, көздеген мақсатымызға жеттік деген ойдамын. Осындай жақсы мерекелер көп болсын.