Мектебімізде 14 қараша күні 1-11 қазақ сыныптарының  ата-аналарына ашық есік форматында жалпы ата-аналар  жиналысы өткізілді. Күн тәртібі бойынша, бала тәрбиесіндегі өзекті мәселелер: білімалушылардың жеке қауіпсіздігі, әлеуметтік желіден қорғау шаралары, оқушылардың сабаққа қатысуы, 1ші тоқсанның қорытындысы, мектепте өткізіліп жатқан іс-шаралар туралы айтылып, ақпараттар берілді.  Бала тәрбиесі – бір отбасының ғана емес, бүкіл қоғамның мемлекеттік абыройлы міндеті. Ұрпақ тәрбиесіне мүдделі екендігін ата - аналар іс - жүзінде дәлелдеп отырулары тиіс. Міне осындай ынтымақ бірлігінде ғана ойдағыдай нәтиже берері ақиқат. Балаға жауапкершілікпен қарау, оқыту мен адамгершілікке тәрбиелеуде отбасының басым рөлін мойындап, бірлесе, ынтымақтаса әрекет ету қажет екендігі айтылды. Күн тәртібінің екінші бөліміне сәйкес ата-аналарға барлық пән  мұғалімдерімен тікелей жолығуына, балалары туралы  толық мәлімет алуларына жағдай жасалды.