27.01.2021 жылы №32 ЖББОМ-де “Математикалық сауаттылық” апталығы “Өнегелі өмір” жобасы аясында 8-11 сынып оқушыларымен академик Е.А.Бөкетов атындағы Қарағанды мемлекеттік университетінің математика және ақпараттық технологиялар факультетінің математиканы және информатиканы оқыту әдістемесі кафедрасының аға оқытушысы, жаратылыстану ғылымдарының магистрі, Қарағанды университетінің доценті, ұлағатты ұстаз Кервенев Қабылғазы Ережепұлымен онлайн сұхбат өтті. Сұхбат барысында математика саласына қалай келгені жайлы, математика ғылымы, логика, оқушылардың ізденісі, ғылыми-жобалар туралы әңгімелеп берді. Өзі еңбек ететін ЖОО-нын презентация, видео арқылы таныстырып, оқушылар мен мұғалімдердің көкейінде жүрген сұрақтарына жауап беріп, қызықты да мағыналы сұхбат өткізді.

Мектебімізде осы университет түлектері: Математика пәнінің мұғалімдері Ашимов Ризат Танатович, Өмірбек Жархангуль және информатика пәнінің мұғалімі Төрегелдина Жазира Сайранқызы еңбек етеді. Онлайн сұхбатқа мектебіміздің оқу ісінің меңгерушісі Мухаметкалиева Жадыра Муратхановна қатысып, сұхбат соңында ізгі ниетін білдіріп, алғыс айтты. Мектеп ұжымы Қабылғазы Ережепұлына шығармашылық табыстар тілейді!