18-қаңтаркүні 5-сыныптар арасында «Менің отбасым және кітап»атты фотоакция іс-шарасы өтті. Бұл іс шараның  бастамасы  ұлы ақын әрі ойшыл Әлішер Науаидың "Кітап ақылына ақы сұрамайтын ең құнды қазына" деген сөздерімен басталып,   қай ғасырда да кітаптың алатын орны бөлек екенін жайлы айтылды. Әлемде қаншама технологиялар шығып жатыр, бірақ бұлардың бәрі кітапты алмастыра алмасы анық екендігі және  оқыған адамның күні қашан да жарық екендігі жайлы сөз қозғалды. «Кітап оқыңыздар!» деп үндеу сала отырып, біз бүгін сіздерге кітап оқудың 7 пайдасы жөнінде  естеріңізге салып кеткіміз келеді:

1. Кітап оқу – қоршаған ортаны, дүниені және өзін тануға көмектеседі. 

2. Кітап оқу – жадыны және ойлауды дамытады. Яғни, көп оқыған адам жады мықты, тез ойлап, тез қорыта алады. 

3. Кітап оқу – талдауға, сараптауға, өзіндік жүйелі пікір қалыптастыруға үйретеді.

4. Кітап оқу – көптеген табыс пен жетістіктің ең басты негізі. 

5. Кітап оқу – адамдармен дұрыс қарым-қатынас жасауға үйретіп, әдемі сөйлеу дағдыларын қалыптастырады.

6. Кітап оқу – сөздік қорды байытады және жалпы сауаттылық деңгейін арттырады. 

7. Кітап оқу – адам бойында бұғып жататын шығармашылық қабілеттерді дамытады. 

Қазақ тілі мен әдебиеті мұғалімі:   Тулеева А.З.