Қарағанды облысы білім беруді дамытудың оқу-әдістемелік орталығы ұсынып отырған 18 қаңтар-23 қаңтар аралығында «Оқу сауаттылығы» апталығы "ХХІ ғасыр - сауатты ұрпақ ғасыры!» тақырыбында өтеді.

Апталықтың ашылуы 7 "Е", 6 "Ә", 9 "Ә" сыныптарында online форматында «Мен елімнің ертеңімін!»  және  «Жалынды жастар-жарқын болашақ» сынып сағаттарының өтілуімен басталды.

«Жалынды жастар-жарқын болашақ» сынып сағаттында оқушылар  білімнің, оқудың, жалпы сауатты болудың маңыздылығына тоқталды. 9 "Ә" сынып жетекшісі оқушыларын  қазіргі заман талабына сай бәсекеге қабілетті ұрпақ болуға шақырып, туған еліне, жеріне, Отанына деген патриоттық сезімдерін оятып, өз ойын еркін айтуға, жеке тұлға ретінде қалыптастыруға бағытталған топтық ойындар өткізді. 

Ал 7 "Е", 6 "Ә"  сынып оқушыларына «Мен елімнің ертеңімін» тақырыбында сынып сағаты өткізілді.  Сабақтың мақсаты: Туған еліне деген сүйіспеншілігін арттыру. Еліміздің рәміздерін қастерлеуге үйрету.Оқушыларды достыққа,адамгершілікке,саналылыққа баули отырып, елінің мұрасын жалғастырушы азамат етіп қалыптастыру болып табылады. Оқушылар сабақ барысында өздерінің туған жерге арнаған өлеңдерін оқып, ой бөлісті.

№32 ЖББОМ КММ қазақ сыныптары арасында апталықтың алғашқы  күнгі іс - шарасына жауапты ұстаздар:  Аубакирова Ш.Ж.,  Қайыржанқызы А., Улыкбанова Ж.Б.