«Ризашылық» - «Балалардың игілігі үшін мейірімділік» атты қайырымдылық мерекесін мерекелеу шеңберінде  өткізілген іс шара. Жоғарыда аталған іс шара №32 жалпы білім беретін орта мектебінде шығармашылық топтың ұйымдастыруымен қайырымдылық пен мейірімділікке тәрбиелеуге бағытталған «Жүректен жүрекке» атты тәлімгерлік сағаты өткізілді. Сонымен қатар барлық сыныптарда сынып сағаттарында «Сүйспеншілік пен қамқорлықтағы сыйлау», «Алғыс-жүректің естелігі», «Шаттық пен ізгілік шеңбері» тақырыбында оқушылармен арнайы тәрбие сағаттары өткізілді.

Соның бірі әскери бөлімнен арнай қонақтар шақырылып, тәрбиелік мәні бар шараға себеп болды.

Алғашқы сөз кезегін алған арнайы шақырылған қонақ Фатеева Мария Дмитриевна әрдайым қамқорлық, көмек көрсету керектігін айтты.

Сондай-ақ әскери бөлімшеден Молдабаев Мурат Мейрамовгалиевич және Каримов Еркебулан Жалелович қонақтар келіп өз пікірлерімен бөлісті. «Жақсылық жасау – қайырымды адамның ғана колынан келеді. Өйткені ол мейірімділіктен, қайырымдылықтан, қамқорлықтан, махаббаттан, ізгілік пен игіліктен тұрады. Осының барлығы бойынан табылатын адам нағыз адам болып табылады. Қиналғанда көрген жақсылық  өмір бойы есіңде қалады. Қолыңнан келгеніңше адамға, табиғатқа, қоғамға, Отаныңа жақсылық жасауың қажет. Жақсылық шын жүректен, риясыз көңілден  жасалады»,- деді.

«Жомарттық – жүрек қуанышыңның шыңы, Ал, қайырымдылық – адам көркі», – деп, халық даналығы айтқандай, өздерінің қамқорлығын көрсете келген қонақтар бірінен соң, бірі сөз сөйлеп, еліміздің болашағы жастарға қолдарынан келген көмектерін аянбайтындарын жеткізіп жатты.