2015 жылдың 1 тамызынан бүкіл еліміз бойынша жетінші жыл қатарынан   «Мектепке жол» дәстүрлі республикалық акциясы бастау алды.

     Биылғы жылы акция «Балаларға бірге көмек берейік» ұранымен өтеді.

     Қайырымдылық акциясының  негізгі мақсаты – аз қамтылған, көпбалалы  отбасылардағы оқушылардың және ата-аналарының қамқорлығынсыз қалған, жетім балаларға жаңа оқу жылына дайындалуға материалдық, қаржылай көмек көрсету және балалардың әлеуметтік жағдайлар бойынша мектепке бармауының алдын алу.

«Қарағанды қаласы білім бөлімі» ММ «Мектепке жол» республикалық акциясын өткізу жоспарына сәйкес  №50 негізгі орта мектебінде «Балаларға бірге көмек берейік» ұранымен ақпараттық стенд безендірілді. Аталған стендіде акцияның екі тілдегі логотипі, өту мерзімі, мақсаты және оған белсене қатысуға шақыратын үнпарақ, мектепішілік іс-шаралардың жоспары ілінді. Сонымен қатар, «Мектепке жол» акциясының көлемді логотипі мектеп ғимаратының алдына орналастырылды. Акцияның логотипі бейнеленген 100-ге жуық парақшалар ауданымыздың аумағына таратылып,  жабыстырылды.