Наурыздың 18-19 күндері 4-6 және 7-9 сынып оқушыларының қатысуымен  «Хош келдіңіз  Наурыз!» мерекелік думаны кең көлемде  өткізді.

Аталған іс-шара екі кезеңге бөлінді.  «Наурыз-жыл басы» деп аталған алғашқы кезеңде  5Ә,6Ә және 8Ә,9Ә сынып оқушылары және мұғалімдердің қатысуымен сахналандырылған мерекелік қойылым ұсынылды. Мерекелік шараның  екінші кезеңі: «Ұлыстың ұлы күні – Наурыз!»  сайысында 4-9 сынып оқушылары Атамұра,  Шаңырақ, Ынтымақ  ауылдарына топтастырылды. Әр ауылдың орыс тілінде оқытылатын сынып оқушылары қазақ халқының  салт-дәстүрлерін (жарапазан айту, нәрестеге ат қою, бесікке салу, құда түсу, наурыз көже жасау т.б.) сахналандырылды.

    Сонымен қатар, қазақ халқының және басқа да халықтардың  әні мен күйлерін және  билерін, сән-салтанаты жарасқан ұлттық киімдерін көрсетсе, ата-аналар ұлттық тағамдардың бірнеше түрін көпшіліктің назарына ұсынды.  Іс-шара барысында   ұлттық спорттық ойындардан: арқан тарту, салмақ тасын көтеру, асық атудан  оқушылар арасында сайыс өткізіліп, мереке көркін қыздыра түсті.