Наурыз айының 3-і мен 7-і аралығында №50 негізгі орта мектебінде Қарағанды қаласының 80 жылдығына және 8 наурыз  мерекесіне арналған «Гүлдене бер, қазыналы Қарағандым!» атты оқушылардың шығармашылық жұмыстарының көрмесі ұйымдастырылды. Көрменің мақсаты, оқушылардың шығармашылық қабілеттерін дамыту және олардың шеберліктерін тәжірибеде қолдану болып табылады. Мектеп оқушылары қолдарымен жасаған шығармашылық туындылары арқылы сүйікті қаламызға және нәзік жандарға деген сүйіспеншілік сезімдерін, құрметтерін көрсетуге талпыныс жасады. Көрмеге ұсынылған 80-нен астам  шығармашылық жұмыстың басым бөлігін  «Жас суретші», «Қолданбалы қолөнер» үйірмелеріне қатысатын оқушылар дайындады. Көрмеге оқушылардың қызығушылықпен қатысуына және іс-шараның ойдағылай өтуіне   бейнелеу және сызу пәнінің мұғалімі Еремеева Нина Владимировнаның  еңбегінің  ерекше екендігін атап өткен орынды.