Желтоқсанның 1-і  күні  №50негізгі орта мектебінде Қазақстан Республикасының  Тұңғыш Президенті күні құрметіне «Жас Ұлан» бірыңғай балалар және жасөспірімдер ұйымы қатарына қабылдау  салтанатты іс-шарасы өткізілді. «Жас Ұлан» ұйымының қатары 41 жас жеткіншекпен толықса, оның 27-і жасқырандықтардың қатарынан орын алды. Мерекелік шарада Елбасымыз туралы өлеңдер оқылып, патриоттық әндер орындалды, сондай-ақ, Нұрсұлтан Әбішұлының егемен еліміздің қалыптасуы мен гүлденуі жолындағы елеулі еңбегі  жайында мектеп әкімшілігі мен зейнеткер педагогтардың жылы лебіздері тыңдалды.

    Іс-шараның өткізілуі  қарсаңында  болашақ  Жас Ұландықтарға аталған ұйымның мақсаты, артықшылығы және жүктейтін жауапкершілігі жайында түсіндірілген болатын.  Ұйым қатарына қабылдану рәсімінде оқу үлгерімі мен тәртібімен  көзге түскен оқушылар ұйым антын ерекше ықыласпен қабылдап, жүздерінен шаттыққа толы мақтаныш сезімдері байқалды.