3-маусымда  №101 мектеп-лицейде жазғы маусымның ашылу салтанаты болды.  Онда «Страна чудес» жазғы сауықтыру лагері,  «Атамекен» этнографиялық лагері, «Олимпиец» спорттық-туристтік лагері, «Funnу English» лингвистикалық лагері, «KZ-ландия» тарихи-өлкетану лагері, «Шабыт» көркем-эстетикалық лагері, КТК және «Жасыл ел» экологиялық лагерлері өз есігін айқара ашты.

Алғашқы күннен балалар өздеріне жаңа дос тауып, ӨҚН ережелерін естеріне түсірді, бірге жүріп-тұруды үйренді. Соңында балалар көтеріңкі көңіл күймен үйлеріне қайтты.

4.06.2013 жылы «Атамекен» тобы  Қарағанды облыстық тарихи - өлкетану мұражайына саяхатқа барды. Саяхат жетекшісі оқушыларды Рәміздер күніне байланысты ҚР Рәміздерімен таныстырды. Қарағанды облысының тарихы, Қарқаралы Ұлттық саябағы, Қарағанды облысының тарихта аты қалған зиялы қауым өкілдері туралы көп мәліметтер берді. Ұлттық мәдениетіміз, шахталардағы алғашқы көмір өндіру құралдары, Ұлы Отан соғысы жәдігерлері, қазақ халқының басына түскен нәубәт – ашаршылық пен қуғын – сүргінге ұшыраған жылдардағы қиыншылықтар, ғарыш айлағы және Тәуелсіздіктің 20 жылдығына байланысты жасақталған залдарға экскурсия жасалды.

06.06.2013 "Атамекен " тобы қалалық "Хайуанаттар бағына" саяхатқа шықты. Балалар түрлі аңдар, құстар, және бауырымен жорғалаушыларды көріп қызықтады.

07.06.2013 жылы "Атамекен" тобы Станиславский атындағы драмалық театрға "Кот Леопольд" қойылымын тамашалады. Қойылым балаларға қатты ұнағаны сонша лагерге оралған соң, топта қойылым бойынша өздері де көрген ейбір сәттерін сахналап көрсетті.

11.06.2013 жылы «Атамекен» тобы  С. Сейфуллин атындағы Қарағанды облыстық қазақ драма театрында «Күл қыз»   ертегісінің қойылымын тамашалады.