2025 жылдың 23 қазаны күні "Ғ.Мұстафин атындағы ЖББМ" КММ кәсіподақ мүшелері болып табылатын білім беру ұйымдарының педагогтері арасында "Тоғызқұмалақ", "Шахмат", "Үстел теннисі", "Волейбол" және "Бес асық" ойындары бойынша аудандық Спартакиаданың мектепаралық кездесулері өтті. Бұл шараның мақсаты – ұстаздар қауымы арасында салауатты өмір салтын насихаттау, ұжымдық бірлікті арттыру және спорттық белсенділікті дамыту болды. Спартакиада барысында мұғалімдер өзара сайысып, шеберліктері мен ептіліктерін көрсетті. Мектеп ұжымы бұл шараны жоғары деңгейде ұйымдастырып, көтеріңкі көңіл-күй мен спорттық рух сыйлады
Қарағанды қаласы білім беру қызметкерлері арасында ұйымдастырылған аудандық спартакиада да өз мәресіне келіп жетті.
Аумақтық мектепаралық кездесулерде жеңіске жеткен ойыншыларымыз, «Ғабиден Мұстафин атындағы жалпы білім беретін мектебінің» кәсіподақ мүшелері, аудан мектептері арасындағы қалалық деңгейде де жоғары шеберлік танытты. Қызу дода нәтижесінде мектебіміздің спортшылары «ТОҒЫЗҚҰМАЛАҚ» ойыны бойынша жүлделі 2-орынды, «БЕС АСЫҚ» ұлттық ойынымыз бойынша жүлделі 3-орынды және әйелдер арасындағы «ВОЛЕЙБОЛ» ойыны бойынша жүлделі 3-орынды иеленді. Мектебіміз үшін бұл үлкен абырой, ауыз толарлық нәтиже.
Салауатты өмір салтын насихаттау мақсатында ұйымдастырылған бұл шара білім берушілердің басын қосып, күш-жігерін біріктірген тамаша бір серпіліс серпіні болды. Мектеп намысын қорғап, жүлдемен оралған әріптестерімізге, атап айтқанда мектебіміздің директорының м.а. Ералиева Рита Жаксылыковнаға, Егизбаева Сабина Бериковнаға, Молдабекова Кулжакен Жултаевнаға, Кокина Акзер Зарыкбековнаға, Масленникова Татьяна Анатольевнаға, Аманов Ануар Сериковичке, Төлеуғазы Әділет Нұржанұлына, Советов Алтынбек Камбаровичке, Қамаубаев Жасұлан Наймантайұлына, Махажанова Тоғжан Жаслановнаға, Қартабаева Зәмзәгүл Нүркенқызына мектеп ұжымы атынан қайтпас қайсарлық, мықты рух, жығылмас жігер, дендеріне саулық тілейміз!
