«Жыр-Жалын» поэзия отауының ережесі:
Қарағанды қаласы №86 жалпы білім беретін орта мектебіндегі «Жыр-Жалын» атты поэзия отауы 2017 жылдың сәуір айының 14 жұлдызында құрылды. Поэзия отауының қызметі алдыңғы үш жылға жоспарланды. Поэзия отауына талантты, көркемдік талғамы биік, ойы ұшқыр, поэзияны аса құрметтейтін, кітап оқуға деген ынта – ықыласы бар оқушылар қабылданды. Отау мүшелері мектептің және қаланың барлық әдеби іс- шараларына белсене атсалысады. «Жыр Жалын» поэзия отауының басшысы, ұйымдастырушы директордың тәрбие ісінің орынбасары және қазақ тілі мен әдебиеті пәндерінің мұғалімі Казиева Аңсаған Алпысбаевна. «Жыр-Жалын» поэзия отауының ұйымдастырушысы аға тәлімгер, қазақ тілі мен әдебиеті пәндерінің мұғалімі Алиманова Динара Хамзеевна.
·
Поэзия отауының алдына қойған мақсаты :
«Мәңгілік ел» идеясының аясында ұлтжанды, ұлттық құндылықтарды бойына сіңірген, шығармашыл,ақындық таланты бар оқушыларды бір жерге топтастыру және де бойындағы ақындық –танымдық қабілетін арттыру.
Поэзия отауының алдына қойған міндеттері:
шығармашылыққа машықтандыру, көркем әдеби шығармаларды оқуға талпындыру; әдебиет әлемімен байланыстырып, өскелең ұрпақтың рухани -өнегелі тәрбиесі идеясына сәйкес келетін ең үздік поэзиялық шығармаларды оқытып, таныту. шығармашылық әлеуетін және образдық ойлау қабілетін арттыру; жаңа дарынды ақын оқушыларға қолдау көрсету. оқу орындарымен және қалада орналасқан «Жыр-жауһар» және «Бота» интелинтеллектуалдық клубының жетекші- мүшелерімен бірлесіп, жұмыс атқару. ортақ іс-шараларды дайындау және өткізу барысында басқа қоғамдық ұйымдармен өзара қарым-қатынас құру. Әдеби ортада өзіндік орны бар, белгілі ақын-жазушылармен кештерін ұйымдастыру.
Күтілетін нәтиже:
Поэзияны тақырыбына сай талдай біліп, өз ойын жан-жақты жеткізеді. Өлең сөзінің құдіреті мен қуатын жанымен сезініп, жүрегімен түсіне біледі «ЖЫР-ЖАЛЫН» поэзия отауының мүшелері. 1. Жанибек Әлиман –ақын, Орталық Қазақстан газетінің бөлім меңгерушісі 2. Аян Мейраш – ақын 3. Смайылов Олжас 8 сынып оқушысы 4. Рахым Дамир 8 сынып оқушысы 5. Қожабеков Бекзат 8 сынып оқушысы
6. Коккозова Карина 8 сынып оқушысы
7. Алпысбаева Аяулым 8 сынып оқушысы
8. Кенжеғали Ақерке 8 сынып оқушысы
9. Саятов Әлішер 8 сынып оқушысы
10. Садыкова Жанель 10 сынып оқушысы
11. Төлеуханова Назель 8 сынып оқушысы
12. Нұрмағанбетова Аружан 10 сынып
13. Ященко Яна 11 сынып оқушысы
14. Белкин Никита 10 сынып оқушысы
Құжаты:
1. Бұйрық
2. Поэзия отауы туралы Ереже.
3. Мүшелерінің тізімі.
4. Бір жылдық жұмыс жоспары.
5. Орындалған жұмыс туралы есептер. Жоспарлы және жоспардан тыс отырыстардың хаттамалары.
Орналасу орны.
Мекен-жайы: Қарағанды қаласы, №86 ЖББОМ, Орбита 1/15
Байланыс телефондары: 31-34-53, 87079584534,
«Жыр-Жалын» поэзия отауының қызметінің тоқтатылуы.
Поэзия отауының қызметі отауды жоюдың нақты себебін түсіндіре отырып, ортақ жиналыстың шешімімен мүшелеріне алдын-ала ескертіліп тоқтатылады.
Сценарий
«Жыр-жалын»
атты поэзия отауы
2017-2018 оқу жылы
Өтетін орны:
Қарағанды қаласы
№86 ЖББОМ
Жиын залы
Мерзімі:
қаңтар
Сағат 16.00
Жүргізуші:
Казиева А.А.
Сценарий
Сахна, жиын залы тақырыпқа сай безендірілген. Музыкалық әуен, фон ойнап тұрады. Мұғалімдер, оқушылар тегіс жиналысымен сахнаға жүргізушілер шығады.
І-Блок
«Мұрагер» күйі ойналады.
Қара өлең (Ботпай Мұхаммед 8Ә)
Қалқам, Мен Лермонтов, Пушкин де емес, Есенинмін демедім ешкімге мен, Қазақтың қара өлеңі - құдіретім, Онда бір сұмдық сыр бар естілмеген. Жат жерді жастанғанда жазатайым, Қанымен жазды, мүмкін, ағатайым. ...Қасиетіңнен, қара өлең, айналайын, Қазақтың дәл өзіндей қарапайым. Түзу-түзу тілінген таспадайын, Қамшы өремін таспадан басқадайын. Қаламасаң қамшымды аулақ жүргін. Қараша үйдің есігін ашпа, ағайын! Түзу-түзу жыртылған аңыздайын, Аңызыма неге нәр тамызбайын. Қара өлеңі қазақтың қаза болса, Қара көзден неге қан ағызбайын. Ақынмын деп қалай мен айта аламын, Халқымның өзі айтқанын қайталадым. ...Күпі киген қазақтың қара өлеңін, Шекпен жауып, өзіне қайтарамын..
Жүр:
«Поэзия – жүректің сөзі. Бір жүректен шыққан шымыр сөз кем дегенде жүз жүректе бұғып жатқан бұла сезімнің бұлықсып бас көтеруіне түрткі болады. «Ұйықтап жатқан жүректі ән оятар» деген ұлғатты сөздің өлеңге де толық қатысы бар. Жүректегі сезімді оятқан өлең тегін өнер болмаса керек. Өлеңнің өнегесі сол, ол адамдық сезімді ғана оятып қоймайды, оны адамзаттық асқақ сезімнің дәрежесіне дейін көтереді. Азаматтық асқар сезімнің шыңы ұлттық сезім де өлең арқылы оянып рухани күш алады».
Бүгін біздің мектебіміздегі ерекше сәт. Себебі, жас ұрпақтың бойына білім мен тәрбиені сіңіріп жатқандықтан, мектебімізде жас ақындар мектебімін қалыптастырсақ деген ойымызды бүгін жүзеге асыратын сәт туды.
Арқада поэзияны жанына серік етіп жүрген ақындар жетерлік. Сол ақындардың біршамасы қонаққа келді. Қол соғып қошеметтеп отырыңыздар.
..........................................................................................................................................................................................................................................................................
Алғашқы сөз мектеп директоры Кунедилов Нурбол Даригуловичке беріледі.
Сөз қазақ тілінің жанашыры, білім бөлімінің әдіскері Жаркеева Гулназ Бекетовнаға беріледі.
(Поэзия отауының ашылуына кітап дайындау. Стөл үстінде жатады. Алғы сөзді келген ақындар жазады. Аққу биін билейтін оқушы қыздар көрсетеді.)
Жүр:
«Бұл дүниені ұстап тұрған- махаббат» деп шығыстың ұлы ойшылы Құтып айтпақшы.
(Сахнада қыз бен жігіт махаббат туралы өлең оқиды. Олардың артында «аққу» биін билейді.)
Оқушы:
Нұрхан
Серіксіз бе едің, құрбыжан?...
Сен әлі серіксіз бе едің, Серіксіз бе едің, Құрбыжан? Өтіпті-ау айлар, еріксіз жылдар жылжыған. Жападан-жалғыз, Жауатын күндей тұнжырап, Жүресің, құрбым, He істеймін саған? Қынжылам. Жаңа жарылған, Жауқазын едің көктемде Жылысып жазың өткен бе? Лапылдап тұрған, Жалын едің ғой өрт-кеуде, Тәйір алғырлар, Танымай сені кеткен бе?! Өмірде мына, Тап болар талай тосын жай, Өмір - өмір ғой, Өмірдің заңы осындай. Бірі -Батыста, Бірі -Шығыста, Жарқ етіп, сөнген жасындай, Өтуі мүмкін, жақсы мен жақсы қосылмай.
Оқушы:
Көктем келіп көк гүлдерін санасаң, Көтерілсе көк таулармен таласа ән. Көлбей ұшқан көк бұлттарға қарасаң, Көк көйлекті қыз есіңде болсыншы…
Кешір, барлық сырымды да жоқ ашқам, Жол да бөлек болған екен о бастан. Мөп-мөлдір боп көзді тартса көк аспан, Көк көйлекті қыз есіңде болсыншы…
Торын құрып ой деген бір өрмекші, Көз алдыңда көкшіл теңіз дөңбекшіп. Көктеміңді есіңе алсаң сен де өксіп, Көк көйлекті қыз есіңде болсыншы…
Тым ертерек ойлаппыз ғой ұятты, Сол үшін де кейін жасым жиі ақты. Жеткізбеген көкжиегің сияқты Көк көйлекті қыз есіңде болсыншы…
Авторы: Күләш Ахметова
Нұрхан «Сен...»
Сен көрікті едің... Көріктісің! Баяғы бойыңдағы желік-күшің. He істеймін десең-дағы еріктісің, Себебі көріктісің, көріктісің! Сен ақылды едің... Ақылдысың! Тал бойыңда талмаған ақыл-күшің. Ерке мінез, есен-сау жатырмысың, Жатырмысың, жаныма жақын құсым?! Жаратқан қолдан соққан асыл мүсін
О, махаббат!
О, махаббат, сен әлі тірі ме едің?
Көзімнен ғайып болған күнім едің!
Гүлім едің, Елтіген түнім едің.
О, махаббат сен әлі тірі ме едің?!
Мен сені ұмытқанмын
Жылытқаның есте жоқ, суытқаның,
Суып қаным, Жинағам құрып хәлім.
Құлаған отауымның уықтарын,
Содан бері мен сені ұмытқанмын.
О, махаббат, сен әлі тірі ме едің?
Тірі болсаң, мен де енді тірілемін
Ақ періште алдына жүгінемін,
Қолдай гөр, ғашықтардың пірі мені!
Мың жұлдызы бар болса да...
Мың жұлдызы болса да, байқамайсың басқаны,
Бір жұлдыздан тұрады, махаббаттың аспаны.
Сол бір жұлдыз жанады, сол аспанды жарық қып,
Жарықта да түк көрмес ғашық болған жарықтық!
Сол жұлдызсыз белгілі, оның естен танары,
Маңдайда емес, жүректе - Ғашықтардың жанары.
Сол жүрекпен қараймын, сол жұлдызға сүзіліп,
Шаңыраққа ілінді ол, көк аспаннан үзіліп.
Мың жұлдызы болса да, байқамайсың басқаны,
Бір жұлдыздан тұрады шаңырақтың аспаны!
Қадыр Мырза Әлі
«Мөлдіреген жанарың» орындайтын Орынальдин Бекболат.
Жүр: Поэзия ұлтқа, ұлысқа, тілге бөлінбейді. Жұп-жұмыр болып баурап алады. Мектебіз аралас мектеп болғандықтанорыс тілінде оқитын оқушыларымыздың поэзияны қаншалықты жанына жақын тұтатындығын оқыған өлеңдерң арқылы аңғаруымызға болады.
( Хафизов Жолан, Осипов Артем, Ященко Яна, Левченко Вика, Конради Даниэль)
Жүр:
Құлақтан кіріп бойды алар,
Әнді сүйсең, менше сүй,- деп Абай атамыз дәл айтқан. әнге кезек берейік.
«Әдемі қыз» орындайтыдайтындар Сагындыкова Әнелі , Бердикулова Аделя.
Жүр: Поэзия туралы сөз .
Біздің ғасырымыздың әрбір күні бір-бір жаңалық, календарьдың жұлынған әр парағы бір-бір тарих болып отыр. Кешегі жаңалық бүгін үшін тарих. Бүгінгі жаңалықты ертеңгі күні тарихқа айналдыратын да сол жаңалық. Жаңалықты жаңалық қана ескірте алады. Бүгінгідей, эстрада мен космостың, химия мен футболдың заманында, поэзия атқарар істің, поэзия көтерер жүктің зорайып, ауырлап көрген кезі жоқ шығар. Поэзияның жаңашыл жанр екені жалпыға аян. Ол жаңаның жаңасын, жақсының жақсысын, кешегі күннің тәжірибесіне сүйене отырып, ертеңгі күнге естіртіп, соған өлшеп айтуға тиіс
(Өз өлеңдерін мектеп оқушылары оқиды 5,6 кл.)
Бахтыбаева Лаура 6Б, Белецкий Тамерлан 9В, Абрамова Милана 9В
Жүр:
Поэзия әлемінде өз ойын көркемдікпен,асқан шеберлікпен бере білу екінің бірінің қолынан келе бермейді. Бұл тек шабыты өте жоғары,өлең шығару дарыны бар үлкен талант иесінің қолынан ғана келеді. Сондай таланттардың бірі біздің ортамызда отыр. Руслан Нұрбай- халықаралық «Шабыт» фестивалінің жеңімпазы, Республикаға танымал ақын «Ыстыбұлақ, Ар, Рух» жыр жинақтарының авторы, Жанібек Әлиман бірнеше облыстық жыр мүшәйраларың жеңімпазы, облыстық «Орталық Қазақстан» газетінің бөлім меңгерушісі. «Серт» кітабының авторы., Аян Мейраш Халықаралық «Шабыт» фестивалінің дипломанты, ақын «Саған арнадым» жыр жинағының авторы.
(Қонақтарға кезек беріледі. Қонақтар өз өлеңдерін оқиды.)
Әмина «Ән»
Аружан
Жетпейтіндей бір нәрсе көркем ойға, Ақындардың теңеуі келте, майда. Беатриче бар, бірақ оның сұлу образын жасайтын Данте қайда?
Арулар бар, аз емес күшті ұлдар да, Көзден ұшқан бағынған ұшқындарға. Сұлу әйел сүрінген тасты сүйіп Өлмес өлең туғызған Пушкин бар ма?
Орын берді ойынан Жахан оған Адам бар ма есімін атамаған. Балқадиша кеткенде өлең жазған Бар ма бүгін баяғы Ақан ағам?!
Сол жігіттер жоқ бүгін сүйе алатын, Сүйгені үшін өмірін қия алатын. Қорланамын көргенде кей жігіттің Қорландарға жасаған қиянатын!
Авторы: Күләш Ахметова
Сағындықова Әнелі
Хабарласпай кеткенің дұрыс болды,
Көңілі таңғы судай салқындасын деген шығарсың,
Оңаша қаймығып, ән тыңдасын деген шығарсың.
Менен басқа өмірді де есіне алсын деген шығарсың,
Егіліп жыларсың да басыларсың деген шығарсың.
Май айында басынан күзді өткерсін деген шығарсың,
Сүйетіні шын болса, іздеп келсін деген шығарсың.
Мейрамда да қуанбай, мұңға батсын деген шығарсың,
Сынық жүзден суық мұз сырғанатсын деген шығарсың.
Менің әлсіз жанымды күйретейін деген шығарсың,
Қаталдыққа осылай үйретейін деген шығарсың.
Бәрі де солай болды, жылаймын мен,
Ерісе деп ертерек мұз боп қалмаймын
Бәрі де солай болды, тек қана іздеп бармаймын
Мен - нәзік гүлмін, сен - құламайтын шынарсың,
Бірақ мен шыдағанда, оған сен шыдамайтын шығарсың!
«Сіз осы шыныменен білмейсіз бе, Кезігіп қала берем бірдей сізге? Сіз жүретін жерлерде, әлде мені, Адасып, не ерігіп жүр дейсіз бе?
Қағылуы махаббат қанатының, Жаныңызға жабырқап баратыным. Байқалмай ма сізге осы, Қып-қызыл боп, қипақтап қалатыным.
Сізді ойламай көзімді әлі ілдіріп Көргенім жоқ, керек пе жалындыру? Өртенемін жаныма жалын кіріп, Әдейі үнсіз жүрсіз бе, бәрін біліп?..
Қара көзден қашсаңыз, несіне ерсіз, Бір әдемі бақытқа кешігерсіз. Қарап қалсам, өтесіз көрмегенсіп, Оңбағансыз, не деген, кешірерсіз…»
Авторы: Күләш Ахметова
Казиева Аңсаған
«Үміттен үкі таққан күн», «Жаным толы мұңды ойлар күдікпенен» өлеңдерін оқиды.
Адамның көңілін жеңілдетер, жанын жібітер махаббаттан артық күш жоқ. Қызды сүйген жігіт қандай азапқа болса да көнуге бар, ал баласын жақсы көрген ана баласы үшін жан қиюдан тайынбайды. Бұл – табиғат заңы. Махаббатты осындай құдіретті етіп, дүниедегі ең ұлы күш – жаратылыстың өзі жаратқан. Сондықтан да, махаббаттың алдында кім болса да әлсіз, амалсыз,- деп Ілияс Есенберлин айтпақшы. Махаббат – құдіретті толы есім десем қателеспейтін шығармын. Ақындарымыз қаламдары ұшталмай, ұлы ақындардың ізін жалғастырып, мәңгі өшпейтін тақырыпта келешек ұрпаққа жыр қалдыруларыңызға ізгі ниетімізді білдіріп, поэзия кешімізді өлеңдері 21 ғасырға құрдас болған, бір-біріне рухани дос болған ақын Фариза қызбен, Мұқағали ақынның өлеңдерімен аяқтауды жөн көрдік.
Алиманова Динара «Өлең» туралы өлеңін және 5 А сынып оқушысы Айдана Мұқағали Мақатаевтың «Ей, өлең» атты өлеңін оқиды.
